کراچی(آئی این پی)آئی جی سندھ اللہ ڈنو خواجہ نے کراچی میں تعینات 3 ایس ایس پیز کی تقرری وتبادلے کئے ہیں،جمعے کے شام جاری کردہ نوٹی فکیشن کے مطابق گریڈ 19 کے افسر ایس ایس ملیر جواد اکبر ریاض کو اے آئی جی پی فرانزک ڈویژن تعینات کیا اور وہاں موجود سید محمد رضوی کو سینٹرل پولیس آفس رپورٹ کرنے کو کہا ہے،نوٹی فکیشن کے مطابق تقرری کے منتظر گریڈ 18 کے افسر انوار احمد خان عرف راؤ انوار کو ایک مرتبہ پھر ایس ایس پی ملیر تعینات کردیا گیا ہے ،واضح رہے کہ راؤ انوار کو چند ماہ قبل متحدہ قومی موومنٹ پاکستان کے رہنماء،سندھ اسمبلی اپوزیشن لیڈر خواجہ اظہار الحسن کو گرفتار کرنے پر عہدے سے ہٹا یا گیا تھا،جس کے بعد راؤ انوار کافی عرصے تک معطل رہے اور حال ہی میں انہیں دوبارہ بحال کیا گیا تھا ،جس کے بعد آج جمعے کو انہیں ایک مرتبہ پھر ایک ایس پی ملیر تعینات کرنے کا نوٹی فکیشن جاری کردیا گیا،نوٹی فکیشن اے آئی جی پی اسٹیبلشمنٹ نعیم احمد شیخ کے دستخط سے جاری کئے ہیں۔

موضوعات:راؤ انوار