لاہور(آئی این پی) سابق وزیر خارجہ خورشید محمودقصوری نے کہا ہے کہ وزیر خارجہ نہ ہونے سے ملک کو بہت نقصان ہو رہا ہے ‘یو پی بھار ت میں انتخابات کی وجہ سے نر یندرمودی سر حد پر بلا اشتعال فائر نگ اور پاکستان کیخلاف مہم چلا رہا ہے ‘چین بعد میں آزاد ہو کر60کروڑ سے زائد لوگوں کو غر بت کی لیکر سے اوپر لے آیا مگر پاکستان اور بھارت میں آج بھی 60کروڑ سے زائد لوگ غر بت کی لیکر سے نیچے زندگی گزار رہے ہیں ‘نئے آرمی چیف کی آنے سے نیشنل ایکشن پلان متاثر نہیں ہوگا ۔
منگل کے روز جہا نگیر بد ر کے انتقال پر ان کے اہل خانہ سے اظہار تعزیت کے بعد میڈیا سے گفتگو کرتے ہوئے خورشید محمودقصوری نے پاک افواج دشمن کو منہ توڑ جواب دے رہی ہے اور بلا اشتعال فائر نگ جیسی حر کتیں کر کے بھارت اپنے لیے ہی مسائل پیدا کر رہاہے ۔ انہوں نے کہا کہ پاک افواج کو روایتی اور غیر روایتی جنگ پر بھارت پر بر تری حاصل ہے
اور بھارت کو سمجھ لینا چاہیے کہ پاکستانی افواج بھارت کو منہ توڑجواب دیتا رہیگا اور پاکستان کے خلاف بھارت کی کوئی سازش کا میاب نہیں ہوگی ۔ انہوں نے کہا کہ پاک بھارت ‘تعلقات ‘امر یکہ میں نئی قیادت کے آنے کے بعد پاکستان کو ایک وزیر خارجہ کی بہت ضرورت ہے مگر وزیر خارجہ نہ ہونے کی وجہ سے پاکستان کو سفارتی سطح پر بھی بہت زیادہ نقصان ہو رہا ہے اس لیے حکومت کو چاہیے کہ وہ فوری طور پر ملک میں وزیر خارجہ کی تعیناتی کر یں ۔
