پشاور(این این آئی)خیبرپختونخوامیں پولیس میں جدید باطوراسکواڈ کے نام سے نئی فورس کے لئے تمام تیاریاں مکمل کرلی گئی ،ذرائع کے مطابق خیبرپختونخو پولیس نے دہشت گردی اور اسٹریٹ کرائم سے نمٹنے کیلئے نئی فورس متعارف کرانے کا فیصلہ کیاہے۔باطوراسکواڈ جدید گاڑیوں اور وردی سے لیس ہوگی۔ نئی بنائے جانے والی باطور فورس دہشت گردی اور
اسٹریٹ کرائم سے نمٹنے کے لئے متحرک ہوگی۔ نئے فورس کاپہلا دستہ 200اہلکاروں پر مشتمل ہو گا جس کے لیے جدید سہولیات سے لیس بائیس گاڑیاں فراہم کی جائے گی۔ باطور اسکواڈ کے جوان دو شفٹوں میں شہراورکینٹ میں پٹرولنگ کرے گی۔ اسکواڈکوکیمرے لگے جدیدوردی فراہم کی جائیگی۔ہرجوان کے کالرمیں جدید کیمرا سینٹرل سسٹم سے منسلک ہوگا،، نادرا اور مطلوب کرمنلزکا ڈیٹا بھی ان کے سسٹم میں فیڈ ہوگا۔ نئی فورس چیف کیپٹل پولیس افسر کورپورٹ کرنے کی پابند ہوگی۔
