اسلام آباد (مانیٹرنگ ڈیسک) سدرن کمانڈر جنرل عامر ریاض نے فراری کمانڈرزکی ساتھیوں سمیت قومی دھارے میں شامل ہونے کی تقریب کے موقع پر خطاب کرتے ہوئے کہا ہے کہ اگر ’’صبح کا بھولا اگرشام کو گھر واپس آجائے تو اسے بھولا نہیں کہتے ‘‘
تفصیلات کے مطابق تقریب سے خطاب کرتے ہوئے ان کا کہنا تھا کہ ہم قوی دھارے میں آنے والوں کو گلے لگانے کیلئے تیار ہیں ۔ ان کا کہنا تھا کہ بلوچستان اور پاکستان نے گزشتہ بیس سالوں سے دہشت گردی کیخلاف جاری جنگ میں بہت سی قربانیاں دی ہیں مگر خوش آئند بات ہے کہ آہستہ آہستہ لوگوں کا شعور بیدار ہورہا ہے اور اور ہتھیار ڈالنے والے ملک خداداد سے وفاداری کا عہد کررہے ہیں ۔ سرینڈر کرنے والوں کا استقبال کرتے ہوئے انہوںنے کہا کہ یہ آپ کا سرینڈر نہیں بلکہ آپ کی واپسی ہے اور میںآپ کو خوش آمدید کہتا ہوں ۔ انہوں نے سرینڈر کرنے والوں سے مخاطب ہو کر کہا کہ آپ اپنے بچوں کی تعلیم و تربیت پرخصوصی توجہ دی۔ واضح رہے کہ اب تک 800سے زائد لوگ سرینڈر کر چکے ہیں ۔