رائے ونڈ (این این آئی)٭اجتما ع کے اختتامی روز شرکاء کی 8 لاکھ سے تجاوز کرگئی ٭آخری روز دعا میں شرکت کرنے کے لئے لوگ نماز فجر کے بعد رائے ونڈ پنڈال پہنچنا شروع ہوگئے ٭اختتامی دعا سے قبل مجمع کو مولانا خورشید نے ہدایات دیں٭اجتماع گاہ کو چاروں اطراف سے پولیس اور کمانڈوزنے گھیرے میں لیے رکھا ٭دعا میں شریک ہونے کے لئے شہر کے تمام کاروباری مراکز میں چھٹی کا سماں رہا ٭شہریوں نے اپنے بچوں کے ہمراہ دعا میں شرکت کی ٭اتوار کے روز اجتماع گاہ کو جانیوالے تمام راستوں کی ناکہ بندی کردی گئی ٭پنڈال کا کرایہ بیس سے تیس روپے وصول کیا گیا٭اجتماع گاہ پارکنگ میں جگہ کم پڑ جانے سے زائرین کی کثیر تعداد نے اپنی گاڑیاں فیکٹری ایریا میں پارک کیں٭زائرین کی خدمت کے لئے لٹھ بردار سکیورٹی اہلکار نے ڈیوٹی سرانجام دی ٭حفاظ اکرام کی جماعتیں پنڈال کے اردگرد قرآن حکیم کی تلاوت پر مامور رہیں ٭رائے ونڈ تا لاہور کا کرایہ دو سو روپے فی کس وصول کیا گیا ،ایل ٹی سی بسوں کی عدم دستیابی کیوجہ سے لوگوں کو شدید مشکلات کا سامنا کرنا پڑا ٭دعا کے بعد مقامی شہریوں کی طرف سے زائرین کے لئے چائے کی سبیلیں لگائی گئیں

موضوعات:رائیونڈ اجتماع