کراچی (این این آئی) مشیر اطلاعات سندھ مولا بخش چانڈیو نے کہا ہے کہ عمران خان کس بات کا جشن منارہے ہیں؟ عمران خان نے کارکنان کو تکالیف دے کر حاصل کیا کیا؟ بحران ٹلا نہیں ہے، بلاول بھٹو کے مطالبات تسلیم کرنے سے ہی بحران ٹلے گا۔ اپنے ایک بیان میں مولا بخش چانڈیو نے کہا کہ آج جمہوریت کی جیت ہوئی ہٹ دھرمی ناکام ہوئی ہے۔ انہوں نے کہا کہ اداروں کو دباؤ میں آکر کوئی فیصلہ نہیں کرنا چاہئے۔ جب تک ادارے جمہوریت کے لئے کام نہیں کرینگے جمہوریت مضبوط نہیں ہوگی۔ انہوں نے کہا کہ بحران ابھی ٹلا نہیں ہے۔ کچھ دیر کے لئے سانس لے رہا ہے۔بحران بلاول بھٹو زرداری کے 4مطالبات تسلیم کرنے سے ہی ٹلے گا۔ حکومت بلاول بھٹو کے 4مطالبات سے فرار ہونے کی کوشش نہ کرے۔

موضوعات:عمران خان