اسلام آباد(ایکسکلوژو رپورٹ) نجی ٹی وی پروگرام میں سینئر صحافی نے حیران کن انکشافات کر دیئے۔ تفصیل کے مطابق نجی ٹی وی پروگرام میں گفتگو کرتے ہوئے سینئر تجزیہ نگار نے انکشاف کیا کہ مصطفی کمال اور گورنر سندھ ڈاکٹر عشرت العباد ایم کیو ایم لندن کے سربراہ الطاف حسین کے خاصے چہیتے ہیں۔ سب کی تصویریں الطاف حسین کے گھٹنوں کے ساتھ موجود ہیں اور اگر ان میں سے کوئی اوقات سے بڑھ جاتا تھا تو اس پر وہ ناراض ہو جاتے تھے اور اسے سزائیں دیتے تھے۔ کسی کو کہتے تھے کہ تم جا کر جھاڑو پھیرو اور کسی کو کہتے تھے کہ تم جا کر چوکیداری کرو۔ یہ سب سزائیں ویسی تھیں جیسے راجہ رنجیت سنگھ رائے کے دور میں ہوا کرتی تھیں۔ سینئر صحافی عامر متین نے کہا کہ یہ سب ذلت کی سزائیں ہوتی تھیں کہ نائن زیرو پر جھاڑو دینا۔ سینئر صحافی عامر متین نے انکشاف کیا کہ ایم کیو ایم پاکستان کے سربراہ فاروق ستار بھی نائن زیرو پر جھاڑو دینے کی سزائیں کاٹتے رہے ہیں۔ عامر متین نے کہا کہ یہ سزائیں ایم کیو ایم کے اہم رہنماؤں کو ذلیل کرنے اور اوقات میں لانے کیلئے ملتی تھیں۔