فیصل آباد(مانیٹرنگ ڈیسک) پنجاب کے صوبائی وزیرقانون راناثنااللہ کے بارے میں انکشاف ہواہے کہ انہوں نے فیصل آبادمیں سرکاری زمین پراپناسیاسی ڈیرہ بنارکھاہے ۔ایک نجی ٹی وی کی رپورٹ کے مطابق صوبائی وزیرقانون راناثنااللہ کے بارے میں انکشاف ہواہے کہ انہوں نے فیصل آبادمیں سرکاری زمین پراپناسیاسی ڈیرہ بنارکھاہے اوریہ جگہ ایک سرکاری محکمہ انہار(محکمہ نہری نظام ) کی ہے جبکہ راناثنااللہ نے کہاہے کہ انہوں نے یہ جگہ 1994میں خریدی تھی اوراس کی رجسٹری بھی ان کے پاس ہے تاہم نجی ٹی وی کےمطابق وہ اس زمین کی مالکیت کی رجسٹری نہیں دکھاسکے ۔جب اس بارے میں نجی ٹی وی کے رپورٹرنے محکمہ ہائوسنگ سے دریافت کیاکہ یہ جگہ کس کی ہے تواس محکمے کے نقشہ کے مطابق یہ جگہ ثمن آبامیں نہیں آتی ہے بلکہ اس سے باہرہے جس کے بعد محکمہ انہارکے ضلعی افسرنے تصدیق کی کہ یہ جگہ محکمہ انہارکی ہے اوریہاں پرکسی اورکی جگہ نہیں ہے بلکہ یہ سرکاری جگہ ہے ۔تاہم نجی ٹی وی کی رپورٹ کے مطابق صوبائی وزیرکے دبائوکی وجہ سے متعلقہ محکموں نے اس بارے میں چپ سادھ رکھی ہے اورکوئی کارروائی عمل میں نہیں لارہے ۔

Rana Sanaullah ka Aik Bara Gair Qanooni Eqdaam… by cokraza2

موضوعات:راناثنااللہ سرکاری زمین فیصل آباد محکمہ انہار