اسکی موٹرسائیکل نے ایک جھٹکا کھایا اور رک گئ_ اس نے کافی بار کوشش کی مگر یہ دوبارہ سٹارٹ نہ ہوئ_ سٹارٹ ہوتی کیسے ، بے چاری کا پٹرول بالکل ختم ہو چکا تھا_ وہ ڈلوانا بھول گیا تھا_
اُس نے گھڑی کی طرف دیکھا تو پرچہ شروع ہونے میں صرف بیس منٹ باقی تھے_ اس کی تو یوں سمجھ لیں کہ چیخ نکل گئ_ اگر یوں ہی پیدل پٹرول پمپ تک گیا تو کم از کم آدھا گھنٹہ لگ جائے گا_
” یااللّٰہ ! آپ ہی مدد فرمائیے ”
اُس نے زیرِ لب دُعا کی اور چل دیا
گرمی سے برا حال تھا_ پانچ منٹ میں پسینے سے سارے کپڑے بھیگ چکے تھے_
اچانک چلچلاتی دھوپ میں ایک موٹرسائیکل رک گئ_ موٹرسائیکل سوار نے ہیلمٹ پہنا ہوا تھا_
اسے بہت ڈر لگا کہ کوئ ڈاکو نہ ہو _ پستول دکھا کر سب چھین نہ لے مگر وہ آگے رک کر اس کا انتظار کر رہا تھا_ پھر تھوڑا سا پیچھے آیا_
” بھائ کیا ہوا …؟ ”
اس اجنبی کی آواز آئ_
اس نے کہا :
” پٹرول ختم ہوگیاہے_ ”
اتنا سننا تھا کہ وہ اپنے موٹرسائیکل سے اترا_ موٹرسائیکل پر چڑے ہوئے کپڑے کی جیب سے ایک بوتل نکالی_ وہ بوتل پٹرول سے بھری تھی_ اس اجنبی نے وہ بوتل اس کی طرف اُچھال دی اور خود موٹرسائیکل سٹارٹ کی اور چلا گیا_
اس نے جلدی سے بوتل کا ڈھکن کھولا اور موٹرسائیکل کی ٹنکی میں ڈالا_ پھر جو سر اُٹھا کر دیکھا تو وہ موٹرسائیکل والا کافی دور نکل چکا تھا _
اپنے نامعلوم محسن کو دیکھنے کی حسرت دل میں ہی رہ گئ _ اس نے ہیلمٹ پہنا تھا ، جس کی وجہ سے وہ اُسے نہ دیکھ سکا_
موٹرسائیکل بھگا کر گیا ، پرچہ دیا_ واپسی پر اس نے پٹرول ڈالوایا _ تیس روپے کے پٹرول سے وہ بوتل بھرگئ_ یہ بوتل اس نے موٹرسائیکل کی جیب میں رکھ کی کہ وہ اس نیکی کا قرض ضرور اتارے گا_
دو چار بار پارکنگ میں آیا تو اس کی موٹرسائیکل کی جیب سے وہ ” بوتل ” غائب ہو چکی تھی مگر اللّٰہ کا کرم تھا کہ اس نے پھر وہ بوتل پٹرول سے بھر وا کر رکھ لی _
آخر ایک دن وہ ہائ وے سے گزر رہا تھا_ اپنے موٹرسائیکل میں رکھی اس بوتل کو وہ بھول چکا تھا _
اس نے دیکھا کہ ایک مرد اور برقعے میں ایک عورت موٹرسائیکل سے اتر کر پیدل چل رہے ہیں اور اُن کا تین سال کا بچہ بےبسی کے عالم میں بیٹھا ہواہے_
اُس نے اُن کے پاس موٹرسائیکل رکی اور پوچھا :
” بھائ پٹرول ختم ہوگیاہے….؟ ”
اس مرد نے صرف سر ہلا کر جواب دیا_
اس نے اپنے موٹرسائیکل کی جیب سے وہ پٹرول والی بوتل نکالی اور اس مرد کی طرف اُچھال دی اور چل دیا _
موٹرسائیکل کے شیشے میں اس نے اس مرد کے چہرے ابھر نے والی خوشی دیکھی تو
اس نے دل میں عزم کیا کہ وہ یہ نیکی بار بار کرے گا ا