راولپنڈی (این این آئی) راولپنڈی کے تھانہ نیو ٹاؤن علاقے میں ایک گھر سے لڑکی اور لڑکے کی لاشیں برآمد ہوئی ہیں۔ پولیس کے مطابق بظاہر دونوں نے زہر کھا کر خود کشی کی۔پولیس کے مطابق راولپنڈی کے علاقے سیٹلائٹ ٹاؤن کے ڈی بلاک میں لڑکی اور لڑکے کی لاشیں لڑکے کے گھر کے کار پورچ میں کھڑی گاڑی سے ملیں۔لڑکا تیمور اور لڑکی فائزہ دونوں نجی تعلیمی ادارے کے طالب علم تھے ٗمری کا رہائشی لڑکا والدین کے ہمراہ گھر میں رہائش پذیر تھا ٗ لڑکی راولپنڈی کے علاقے ٹنچ بھاٹہ کی رہائشی تھی۔ذرائع کے مطابق دونوں آپس میں شادی کرنا چاہتے تھے تاہم گھر والوں سے انکار سے دل برداشہ ہو کر زہر کھا کر خود کشی کر لی ٗ دونوں کی لاشیں پوسٹ مارٹم کیلئے ہولی فیملی ہسپتال منتقل کر دی گئیں ۔