نیویارک (این این آئی)درجہ بندی کرنیوالے عالمی ادارے نے کہاہے کہ پاکستان نے پہلی دفعہ عالمی مالیاتی فنڈ کا پروگرام مکمل کیاہے اورچین پاکستان اقتصادی راہداری کے تحت بنیادی ڈھانچے کے کئی منصوبوں پرکام جاری ہے۔میڈیا رپورٹ کے مطابق درجہ بندی کرنیوالے عالمی ادارے موڈیزنے کہا کہ حکومت کی دانشمندانہ اقتصادی پالیسیوں کی وجہ سے پاکستا ن کی معیشت بہترہورہی ہے ٗاپنی حالیہ رپورٹ میں موڈیزنے کہاکہ معاشی استحکام میں بہتری آئی ہے کیونکہ پاکستان نے پہلی دفعہ عالمی مالیاتی فنڈ کا پروگرام مکمل کیاہے اورچین پاکستان اقتصادی راہداری کے تحت بنیادی ڈھانچے کے کئی منصوبوں پرکام جاری ہے۔درجہ بندی کرنیوالے ادارے کے مطابق اگلے سال جون میں مالی سال کے اختتام پر مجموعی قومی پیداوار کی شرح نمو چاراعشاریہ نوفیصد تک ہونے کاامکان ہے جو2008کے بعد سے تیزترین شرح ہوگی۔رپورٹ میں کہاگیا کہ اگلے سال کے اختتام تک پھنسے ہوئے قرضے جون2016ء کے اختتام تک گیارہ اعشاریہ ایک فیصد کے مقابلے میں کم ہوکرمجموعی قرضوں کے دس فیصد تک آجائیں گے۔

موضوعات:پاکستان