مردان (آئی این پی )مردان میں محکمہ انسداد دہشت گردی نے کاروائی کرتے ہوئے ایک دہشت گرد اور اْس کے سہولت کار کو گرفتار کر کے اْن کے قبضے سے خود کش جیکٹس بارودی مواد اور دستی بم برآمد کر لیئے۔ سی ٹی ڈی کے ذرائع کے مطابق ملزم فرمان کو چاقو پل مردان میں اْس کے گھر سے گرفتار کیا گیاجہاں سے دو خود کش جیکٹس تین دستی بم اور بارودی مواد برآمد ہوا تھا۔ سی ٹی ڈی کے مطابق ملزم کی نشاندہی پر سہولت کار تلاوت عرف خولا کو بھی گرفتار کیا گیا۔ملزمان کو مزید تفتیش کے لیئے نامعلوم مقام پر منتقل کر دیا گیا۔‎