راولپنڈی(آئی این پی )راولپنڈی پولیس نے گزشتہ روز گھر کی پارکنگ میں موجود گاڑی سے لڑکے اور لڑکی کی لاشوں کا معمہ حل کردیا اور ان کی وجہ محبت میں ناکامی کو قرار دیا ۔ گزشتہ روزراولپنڈی میں کامسیٹس کے طالب علم 27 سالہ تیموراور25 سالہ آمنہ کی موت کا معمہ حل ہوگیا، دونوں نے زہرکھا کراپنی اپنی زندگیوں کا خاتمہ کیا۔ پولیس کا کہنا ہے کہ دونوں ایک دوسرے کو پسند کرتے تھے اورشادی کے خواہشمند تھے تاہم دونوں کے گھر والے شادی کے لئے رضامند نہیں تھے، ان دونوں کی منگنیاں بھی دوسرے خاندانوں کردی گئیں تھیں جس کے بعد تیموراورآمنہ نے دلبرداشتہ ہوکرگزشتہ روزاپنی اپنی زندگیوں کا خاتمہ گاڑی میں خود کوبند کرکے زہرکھا کرکیا تھا۔پولیس کا کہنا ہے اطلاع ملتے ہی لاشوں کو ہولی فیملی ہسپتال منتقل کیا، ابتدائی تحقیقات کے مطابق تیمور اورآمنہ نے زہرکھاکر خودکشی کی، آمنہ اورتیمور کے معدے سے حاصل ہونے والے نمونے فرانزک لیب بھجوادئیے گئے جب کہ دونوں نے زہرکھاکر خود کوگاڑی میں بند کرلیاتھا۔‎