نئی دہلی (این این آئی) بھارت کے پوربند نیول بیس کریکر پھٹنے سے سیکیورٹی اہلکاروں اور امدادی ٹیموں کی دوڑیں لگ گئیں جبکہ بغیر تصدیق کے ’’دھماکے‘‘ کا راگ الاپنے والا بھارتی میڈیا حقیقت سامنے آنے پر کھسیانی بلی بنا رہا اور اس خبر کو منظرعام سے یوں غائب کر دیا کہ جیسے کچھ ہوا ہی نہ ہو۔بھارتی ٹی وی کے مطابق بھارتی گجرات میں پوربند نیول بیس پر ’’دھماکے‘‘ کی آواز سنی گئی تو سیکیورٹی اہلکاروں اور امدادی ٹیموں کی دوڑیں لگ گئیں۔ بھارتی میڈیا نے بھی آسمان سر پر اٹھا لیا جس نے پہلے تو دھماکہ ’’دھماکوں‘‘ میں تبدیل کیا اور پھر اسے فائرنگ کی آوازیں بھی سنائی دینے لگیں۔بھارتی میڈیا چیخ چیخ کر کہہ رہا تھاکہ دھماکے کے بعد فائرنگ کی آوازیں وقفے وقفے سے جاری ہیں اور ایسا لگ رہا ہے جیسے پٹھان کوٹ اور اوڑی جیسا حملہ کر دیا گیا ہے لیکن ابھی بھارتی میڈیا کے دل کو ’’سکون‘‘ بھی نہ پہنچا تھا کہ حقیقت سامنے آ گئی اور انکشاف ہوا کہ وہ آواز کسی دھماکے کی نہیں بلکہ ایک کریکر کی تھی جو نیول بیس کے قریب ہی پھٹا تھا اور اس کی آواز کسی پٹاخے سے زیادہ نہیں تھی۔بغیر تصدیق کے ’’دھماکے‘‘ کا راگ الاپنے والا بھارتی میڈیا حقیقت سامنے آنے پر کھسیانی بلی بنا رہا اور اس خبر کو منظرعام سے یوں غائب کر دیا کہ جیسے کچھ ہوا ہی نہ ہو۔ واضح رہے کہ اس سے قبل ھارتی نیول بیس میں خوفناک دھماکہ۔تفصیل کے مطابق بھارتی میڈیا رپورٹس میں بتایا گیا ہے کہ نئی دہلی میں واقع بھارتی گجرات کی پور بندر نیول بیس میں شدید دھماکہ ہوا۔ بھارتی میڈیا کے مطابق نیول بیس میں شدید دھماکے کے بعد باہر سے فائرنگ کی آوازیں بھی سنائی دے رہی ہیں۔بھارتی میڈیا کے مطابق تفصیلات موصول ہونے کا انتظار کیا جا رہا ہے۔ نیول بیس دھماکے اور فائرنگ کے واقعات میں اب تک کسی جانی نقصانات کی اطلاع نہیں ملی۔ واضح رہے کہ اس سے قبل ایک اور واقعے میں بھارتی آبدوز سندھاراکشاک ، جو ممبئی کے نیول بیس پر موجود تھی، دھماکوں کے بعد تباہ ہوگئی۔ دھماکوں کی وجہ اس میں موجود ہتھیاروں کا خودبخود پھٹ جانا بتائی جاتی ہے۔ اس کی وجہ سے تمام آبدوز آگ کی لپیٹ میں آگئی۔ بھارتی نیول چیف کے مطابق اس میں موجود اٹھارہ جوانوں کے زندہ بچنے کی کوئی امید نہیں ہے۔ 1971 کی جنگ کے بعد بھارتی نیوی کو پہنچنے والا یہ سب سے بڑا نقصان ہے۔سترہ سال پرانی روسی ساخت کی اس آبدوز کی حال ہی میں اوور ھالنگ کی گئی تھی لیکن منگل کی رات اس میں دو دھماکے ہوئے اور یہ تباہ ہوگئی۔ اس حادثے نے بھارتی بحریہ کی جدت پسندی اور بحرہِ ھند میں چین کے ساتھ مسابقت کی دوڑ اور پاکستان کو خائف کرنے کی کوششوں پر پانی پھیر دیا ہے۔نیوی کے چیف ڈی کے جوشی کا کہنا ہے کہ وہ اس بدترین صورتِ حال کے لیے ذہنی طور تھے اگرچہ اْنہیں دھماکوں کے بعد کچھ امید تھی کہ شاید کوئی جوان زندہ بچ نکلنے میں کامیاب ہوجائے۔
اس سے پہلے یہ آبدوز 2010 میں بھی حادثے کا شکار ہوگئی تھی۔ اس حادثے میں ایک فوجی ہلاک ہوگیا تھا۔اس آبدوز، جس میں تارپیڈوز اور میزائل نصب تھے، آدھی رات کو دو دھماکے ہوئے اوراس پر ایک آگ کا گولہ دیکھا گیا۔ اس کا مطلب ہے کہ اس میں موجود اسلحہ پھٹ گیا تھا۔ ایک سابقہ بھارتی نیول کمانڈر کا کہناہے کہ آبدوز پر فیول، ھائیڈروجن، آکسیجن اور حساس اسلحہ ہوتا ہے اور ایک ہلکی سی غلطی اس کی تباہی کے لیے کافی ہے۔ اس آبدوز کے نزدیک ایک اور آبدوز اور کچھ جہازوں کو معمولی سانقصان پہنچا ہے

موضوعات:بھارتی نیول فورس دھماکہ