اسلام آباد(مانیٹرنگ ڈیسک)قوالی کی پہلی حاضری کے جھگڑے نے دوبھائیوں کو علیحدہ کردیا،آن لائن کے مطابق عرس پاکپتن پر گذشتہ روز قوالی کی محفل میں پہلے حاضری کرنے پر معروف قوال شیرمیاندادخان اور ان کے چھوٹے بھائی فیض میاندادخان دست وگریبان ہوگئے۔محفل میں سب سے پہلے حاضری کے لیئے شیرمیاندادکی بجائے فیض میاندادکو بلالیا گیا جس پر شیرمیاندادخان غصے میں آگئے اور فیض میاندادخان کو برابھلا کہنا شروع کردیا جس پر فیض میاندادخان قوالی نامکمل چھوڑ کر باہر آگئے شیرمیاندادنے جب فیض میاندادکو زیادہ برا بھلا کہاتو دونوں دست و گریبان ہوگئے اس صورتحال کو دیکھتے ہوئے موقع پر موجود دیگر قوالوں نے انہیں الگ کیا شیرمیاندادخان نے فیض میاں دادخان سے علیحدگی کا اعلان کرتے ہوئے اسے وہاں سے چلے جانے کا کہ دیا۔
دوسری جانب معروف ریلیزنگ کمپنی سازگولڈ پروڈکشن بین الاقوامی شہرت یافتہ گلوکار مظہر راہی کا عرس بابا فرید کا خصوصی البم’’مرید بابادے‘‘ آج عرس پاکپتن پر ریلیز کرے گی۔آن لائن کے مطابق اس خصوصی البم میں مظہرراہی نے پہلی مرتبہ قوالی ریکارڈ کروائی ہے اس البم کی موسیقی ظہیرعباس نے ترتیب دی ہے جبکہ اس کی شاعری ملک آصف شہزاد اور مظہرراہی کی لکھی ہوئی ہے ایک ملاقات کے دوران مظہر راہی نے بتایا کہ یہ البم انہوں نے بابا فرید کے ساتھ عقیدت میں ریکارڈ کروایا ہے اور انہیں یقین ہے کہ ان کے پرستار انہیں اس نئے انداز میں ضرور پسند کریں گے اس البم کی ویڈیو ڈائریکشن ادریس عادل نے دی ہیں اس البم کو سازگولڈ ڈی وی ڈی پر ریلیز کررہی ہے۔واضح رہے کہ محفل میں سب سے پہلے حاضری کے لیئے شیرمیاندادکی بجائے فیض میاندادکو بلالیا گیا جس پر شیرمیاندادخان غصے میں آگئے اور فیض میاندادخان کو برابھلا کہنا شروع کردیا جس پر فیض میاندادخان قوالی نامکمل چھوڑ کر باہر آگئے شیرمیاندادنے جب فیض میاندادکو زیادہ برا بھلا کہاتو دونوں دست و گریبان ہوگئے اس صورتحال کو دیکھتے ہوئے موقع پر موجود دیگر قوالوں نے انہیں الگ کیا۔