واشنگٹن(اینا ین آئی)امریکا نے عراق میں دہشت گردوں کی جعلی وڈیوز بنوائیں اور اس کیلئے متنازع برطانوی فرم بیل پوٹنگر کو 54 کروڑ ڈالر یعنی 57 ارب 24 کروڑ روپے دئیے۔بیورو آف انویسٹی گیٹو جرنلزم اور برطانوی اخبار کی مشترکہ تحقیقاتی رپورٹ کے مطابق برطانیہ کی پبلک ریلیشنز فرم بیل پوٹنگر نے ایک سائیکولوجیکل آپریشن میں دہشت گردوں کی جعلی وڈیوز بنانے کے لیے پنٹاگون کے ساتھ کام کیا۔امریکی کمانڈر جنرل ڈیوڈ پیٹریاس کا اس سارے معاملے میں اہم کردار رہا،ان کے دستخط کے بعد فرم کا سارا کام آگے جاتا تھا ، برطانوی فرم بیل پوٹنگر کے سابق چیئرمین لارڈ ٹم بیل نے جعلی وڈیو بنائے جانے کی تصدیق کی ہے۔