کراچی (این این آئی)ایم کیو ایم کے کارکن اور ٹارگٹ کلر سعید بھرم نے متعدد وارداتیں فاروق ستار،ندیم نصرت، وسیم اختر اور دیگر کی ہدایت پر کرنے کا اعتراف کیاہے ۔کراچی کی مقامی عدالت میں ایم کیو ایم کے کارکن سعید عرف بھرم نے اپنا بیان ریکارڈ کرا دیا ۔ بیان میں سعید بھرم نے ٹارگٹ کلنگ کا حکم دینے والے ایم کیو ایم کے رہنماؤں کے نام اگل دیئے ہیں ۔ بیان میں سعید بھرم نے کہا کہ قتل کی متعدد وارداتیں فاروق ستار ، ندیم نصرت ،وسیم اختر ، حیدر عباس اور محمد وسیم کے کہنے پر کی۔ جبکہ بڑی وارداتوں کی ہدایت کے لیے محمد انور لندن بلاتے تھے ۔سیعد بھرم نے بیان دیا کہ 1997 میں سیشن کورٹ سکھر میں دھماکہ کیا ۔ واردات میں اجمل پہاڑی ، ندیم مولانا ، سعید گنجا کی بیوی اور رضوان سکھر والا نے ساتھ دیا ۔ 1997 میں سہراب گوٹھ پر مسلم لیگ ن کے جلسے پر بارود سے بھری موٹر سائیکل سے دھماکہ کیا۔

موضوعات:سعید بھرم