اسلام آباد (این این آئی)عوامی مسلم لیگ کے سربراہ شیخ رشید نے پی ٹی آئی چیئرمین عمران خان کو یقین دہانی کرواتے ہوئے کہاہے کہ وہ پارلیمنٹ کے مشترکہ اجلاس میں شریک نہیں ہوں گے بلکہ صرف باہر سے ہی میڈیا کے ساتھ گفتگو کرکے واپس آجا ئیں گے۔عمران خان نے میڈیا میں مشترکہ اجلاس میں شرکت نہ کرنے کا اعلان کرنے کے بعد فوری شیخ رشید سے ٹیلیفونک رابطہ کیا جس دوران شیخ رشید نے بھی عوامی مسلم لیگ کی جانب سے پارلیمنٹ کے جوائنٹ سیشن میں نہ جانے کی یقین دہانی کروائی ۔شیخ رشید نے کہا کہ نوازشریف کے استعفے یا احتساب کیلئے پیش ہونے تک پارلیمنٹ میں نہیں جاؤں گا اور عمران خان کے فیصلے کا بھر پور ساتھ دوں گا ۔

موضوعات:شیخ رشید عمران خان