اسلام آباد (این این آئی)وفاقی دارالحکومت اسلام آبا د میں واقع سبزی منڈی سے چند روز قبل برآمد ہونے والی خاتون کی لاش کا معمہ حل ہو گیا ،شو ہر اپنی بیوی کا قتل کر کے سعودی عرب فرار ہو گیا ۔میڈ یا رپورٹس کے مطابق انعم کے شوہر عثمان نے اسے25ستمبر کو ڈیفنس کے علاقے میں گلا دبا کر قتل کیا اور اس کی لاش کو سوٹ کیس میں ڈال کر مقامی ٹیکسی کے ذریعے سبزی منڈی کے علاقے میں پھینک گیا ۔ملزم عثمان قتل کرکے اگلے ہی روز سعودی عرب فرار ہو گیا ۔پولیس نے قتل میں کردار ادا کرنے والے 7معاونین کو بھی گرفتار کر کے تفتیش کی جن میں ٹیکسی ڈرائیور بھی شامل تھا جس کی گاڑی میں انعم کی لاش کو سبزی منڈی لے جا یا گیا۔پولیس نے بتایا کہ انعم کی شادی کو چھپا یا گیا تھا ،انعم اور عثمان کا نکاح ہو گیا تھا لیکن رخصتی ہونا باقی تھی ۔