اسلام آباد(مانیٹرنگ ڈیسک) لاہور میں وفاقی وزیر ریلوے خواجہ سعد رفیق کی پریس کانفرنس میں قائد اعظم محمد علی جناح کی تصویر کو تشہری پینا فلیکس کے پیچھے چھپا دیا گیا اور اس سلسلے میں ریلوے حکام اور ملازمین سمیت کسی نے بھی توجہ نہیں دی ۔
تفصیلات کے مطابق وزیر ریلوے کی پریس کانفرنس شروع ہونے سے قبل ہی ریلوے حکام پریس کلب پہنچے اور انہوں نے ریلوے کے تشہیری فلیکس کو لگاتے ہوئے بانی پاکستان کی تصویر کے اوپر ہی پینا فلیکس لگا دیا گیا جس کے بعد تصویر چھپ گئی ۔ نجی ٹی وی چینل پر چلنے والی رپورٹ کے مطابق خواجہ سعد رفیق کو بھی اس تصویر کے بارے میں علم تھا اور موقع پر موجود دیگر ذمہ داران کو بھی اس بابت اچھی طرح سے علم تھا مگر ان میں سے کسی نےبھی اس طرف توجہ نہ دی اور نہ ہی تصویر سے پینا فلیکس کو ہٹایا گیا۔
