ملتان (این این آئی)پاکستان تحریک انصاف کے رہنما شاہ محمود قریشی نے کہا ہے کہ وزیر اعظم نواز شریف کی جانب سے بلائے گئے پارلیمانی لیڈرز کے اہم اجلاس میں تحریک انصاف بھی شرکت کرکے اپنا موقف پیش کرے گی۔ تحریک انصاف واحد جماعت ہے جو حکومت کی آنکھوں میں آنکھیں ڈال کر بات کر رہی ہے۔ میڈیا سے گفتگو کرتے ہوئے پاکستان تحریک انصاف کے مرکزی رہنماء شاہ محمود قریشی نے کہا کہ راؤنڈ کے کامیاب جلسے پر عوام کے شکرگزار ہیں۔ عوام بم دھماکوں کی دھمکیوں کے بعد بھی جلسے میں آئی۔شاہ محمود قریشی نے کہاکہ بھارت نے سرجیکل اسٹرائکس کاڈرامہ رچانے کی بھر پور کوشش کی تاہم انڑنیشنل میڈیا کو دورہ کروایا گیا ہے جس سے بھارت کا پول کھل گیا ہے۔ پاکستان کی بیس کروڑ عوام پاک فوج کے ساتھ ہے اور پاکستان کی فوج بھارت کو منہ توڑ جواب دینا جانتی ہے۔انہوں نے کہاکہ بھارت کے کیا عزائم ہیں میں کچھ کچھ جانتا ہوں، پارلیمانی لیڈرز کے اجلاس میں بتاؤں گا۔ ملکی مفاد میں تحریک انصاف ہر طرح تعاون کرے گی۔

موضوعات:تحریک انصاف