ممبئی(آئی این پی) بھارتی ہندو انتہا پسند جماعت شیوسینا نے بھی اب بھارتی حکومت کے لیے خطرے کی گھنٹی بجاتے ہوئے کہا کہ اڑی حملے کے بعد حقیقت میں بھارت دنیا میں تنہا ہوا ہے،کسی ملک نے بھی اڑی حملے کے بعد بھارت کا ساتھ نہیں دیا، چین نے حملے کی مذمت کی اورنہ ہی 1971 میں بھارت کا ساتھ دینے والے روس نے پاکستان کے ساتھ جنگی مشقیں منسوخ کیں،مودی نے انتخابی مہم میں کہا تھا 56 انچ سینہ ملک کے مسائل حل کرسکتا ہے جب کہ اب وزیراعظم نوازشریف 56 انچ سینہ دکھا رہے ہیں۔بھارتی میڈیا کے مطابق شیوسینا نے جریدے سامانا کے اداریئے میں وزیراعظم نریندر مودی کو شدید تنقید کا نشانہ بناتے ہوئے کہا کہ اڑی حملہ کے بعد بھارتی وزیراعظم نریندر مودی کی پالیسی ناکام رہی،اڑی حملے کے بعد حقیقت میں بھارت دنیا میں تنہا ہوا ہے،کسی ملک نے بھی اڑی حملے کے بعد بھارت کا ساتھ نہیں دیا،عالمی رہنماؤں نے صرف دہشتگرد حملے کی مذمت کی ہے۔بھارت کی ملکوں کے ساتھ تعلقات بہتر بنانے کی پالیسی بے نتیجہ ثابت ہوئی ہے،بی جے پی نے واویلا کیا کہ پاکستان اڑی حملے کے بعد دنیا میں تنہا ہوگیا ،بی جے پی شور مچاتی ہے کہ پاکستان تنہا ہوگیا لیکن حقائق اس کے برعکس ہیں،انڈونیشاء،پاکستان کو دفاعی آلات فراہم کرنے کی پیشکش کر رہا ہے جب کہ نیپال بھی پاکستان کے ساتھ اچھے تعلقات چاہتا ہے۔اسلامی تنظیمیں پاکستان کا کھل کر ساتھ دے رہی ہیں،1971کی جنگ میں روس نے بھارت کی حمایت میں اپنی فوجیں بھیجیں،آج بھارت کو ایسی دوستی کہیں نظر نہیں آئی،ہمیں خدشہ ہے کہ حقیقت میں بھارت دنیا میں تنہا ہوا ہے۔شیوسینا کا کہنا ہے کہ مودی نے انتخابی مہم میں کہا تھا 56 انچ سینہ ملک کے مسائل حل کرسکتا ہے جب کہ اب وزیراعظم نوازشریف 56 انچ سینہ دکھا رہے ہیں۔