کراچی ( مانیٹرنگ ڈیسک) پاکستان تحریک انصاف کے سربراہ عمران خان کی طرف سے دی گئی رائے ونڈمارچ کی تاریخ جوں جوں قریب آرہی ہے اسی طرح پی ٹی آئی کے کارکن بھی زیادہ پرجوش ہوتے جارہے ہیں اوراس مارچ کوکامیاب بنانے کےلئے سرتوڑکوششیں کررہے ہیں ۔اسی طرح پاکستان تحریک انصاف نے رائیونڈ مارچ کی تیاریوں کے سلسلے میں خواتین کا کفن پوش دستہ تیار کرلیا ۔ تفصیلات کے مطابق پی ٹی آئی کی خواتین کی تیاریاں ہر جلسے میں قابل دید ہوتی ہیں لیکن 30 ستمبر کو پی ٹی آئی کا رائیونڈ مارچ میں کراچی کی پی ٹی کی خواتین نے کفن پہن لیا ہے ۔کفن پوش خواتین کارکنان نے نواز لیگ کے گلو بٹوں کے لئے چوڑیاں بھی تیار کر لیں ہیں ۔ ان کا کہنا ہے کہ راستے میں مزاحمت کرنے والے نواز لیگ کے گلو بٹوں کو چوڑیوں کا تحفہ پیش کرینگے ۔ خواتین کارکنان کا کہنا ہے کہ رائیونڈ مارچ میں اپنا سیلف ڈیفنس بھی کریں گے اور کامیاب بھی ہونگے ۔خواتین کاکہناتھاکہ ہم کسی پرحملے میں پہل نہیں کریں گے لیکن کسی نے ہمارے مارچ کوروکنے یاکسی اورطرح کی مزاحمت کی تواس کابھرپورجواب دیاجائے گا۔