کراچی (این این آئی) متحدہ قومی موومنٹ (پاکستان ) کے سربراہ ڈاکٹر محمد فاروق ستار نے ایم کیوایم کے سینئر رہنما اور رکن قومی اسمبلی رشید گوڈیل کی علالت پر گہری تشویش کااظہار کیا ہے اور ان کی جلد ومکمل صحت یابی کیلئے دعا کی ہے۔ اپنے ایک بیان میں ڈاکٹر فاروق ستار نے حق پرست نوجوانوں، بزرگوں، خواتین اور کارکنان سے اپیل کی کہ وہ بھی حق پرست رکن قومی اسمبلی رشید گوڈیل کی جلد صحت یابی کیلئے اللہ تعالیٰ کے حضور خصوصی دعائے کریں۔واضح رہے کہ حق پرست رکن قومی اسمبلی رشید گوڈیل شدید علالت کے باعث راولپنڈی کے مقامی اسپتال کے انتہائی نگہداشت کے وارڈ میں زیر علاج ہیں اور ان کی آج انجیو پلاسٹی ہوئی ہے ۔

موضوعات:رشید گوڈیل