کراچی (این این آئی) رینجرز نے گولیمار اور نیو کراچی میں ایم کیو ایم کے دو دفاتر میں زیر زمین چھپا گیا اسلحہ بر آمد کرلیاہے۔تفصیلات کے مطابق رینجرزکی جانب سے کراچی کے علاقے گولیمار اور نیوکراچی میں کارروائی کی گئی جس کے نتیجے میں زیرزمین چھپایا گیا بڑی تعداد میں اسلحہ برآمد کرلیا گیا۔ترجمان رینجرزکا کہنا ہے کہ اسلحہ ایم کیو ایم کے یونٹ 167 اور سیکٹر آفس نیو کراچی میں زیرزمین چھپایا گیا تھا جو کہ شہر میں بدامنی اور ٹارگٹ کلنگ کیلیے استعمال کیا جانا تھا۔ترجمان رینجرز کا کہنا ہے کہ برآمد کیے جانے والے اسلحے میں ایک ایل ایم جی، بارہ 7 ایم ایم رائفل، 2 ایس ایم جیز،4 میگزینز، 2500 ایس ایم جی گولیاں، 7 ایم ایم کے 15 رانڈ بھی شامل ہے۔

موضوعات:رینجرز