لاہور(مانیٹرنگ ڈیسک) سابق چیف جسٹس افتخار محمد چوہدری نے وزیراعظم نواز شریف کی اہلیت کو ہائی کورٹ میں چیلنج کردیا ۔جمعہ کے روز افتخارمحمدچوہدری نے وزیراعظم نوازشریف کی اہلیت کوچیلنج کیاہے ۔ایک نجی ٹی وی کے مطابق جسٹس اینڈ ڈیمو کریٹک پارٹی کے سربراہ افتحارمحمد چوہدری نے وزیراعظم نواز شریف کی اہلیت کو لاہور ہائی کورٹ میں چیلنج کیاہے۔ افتخارمحمدچوہدری کی طرف سے وزیراعظم کے خلاف دائرکردہ درخواست میں  موقف اختیار کیا گیا ہے کہ وزیراعظم نوازشریف آئین کے آرٹیکل 63 کی دفعہ 2 پر پورا نہیں اترتے کیونکہ وزیراعظم نے لندن میں جائیداد بنائیں لیکن گوشواروں میں ظاہر نہیں کیں۔افتخارمحمدچوہدری نے عدالت عالیہ سے درخواست کی ہے کہ وزیراعظم محمد نوازشریف کی نااہلی کے لیے سپیکر قومی اسمبلی کو ریفرنس جمع کرایا مگرسپیکر نے ریفرنس پر اعتراض لگا کر واپس کردیا اس لئے عدالت میں درخواست دائرکررہاہوں کہ مذکورہ بالاالزامات کے تحت وزیراعظم کونااہل قراردیاجائے ۔