شکار پور (مانیٹرنگ ڈیسک) شکار پور کے علاقے خان پور میں روکنے پر خود کش حملہ آور نے خود کو اڑا لیا ، تین پولیس اہلکار زخمی ہو گئے ۔ وزیر اعلیٰ سندھ نے پولیس اہلکاروں کی بہادری کو سلام پیش کیا اور عوام سے کہا کہ وہ عید منائیں ،سیکیورٹی ہم فراہم کریں گے ۔ عید پر بھی قانون نافذ کرنیوالے ہائی الرٹ ، شکار پور میں بہادر اہلکاروں نے دہشت گردی کی کوشش ناکام بنا دی ۔ خان پور کے علاقے میں دو خودکش بمبار نے عیدگاہ میں داخل ہونے کی کوشش کی جنہیں پولیس اہلکاروں نے روکا ۔ ان میں ایک نے خود کو دھماکے سے اڑا لیا ،دوسرے کو زخمی حالت میں گرفتار کرلیا گیا ۔ دھماکے کے نتیجے میں تین پولیس اہلکار زخمی ہوئے ، وزیر اعلیٰ سندھ مراد علی شاہ نے شکار پور کے علاقے خانپور میں جائے وقوعہ کا دورہ کیا ۔زخمیوں کی عیادت بھی کی ۔ میڈیا سے گفتگو میں وزیر اعلیٰ سندھ کا کہنا تھا کہ بہترسیکیورٹی سےعید گاہ میں دہشتگردی کی کوشش ناکام ہوئی ، کوشش کر رہے ہیں ، دہشت گردی کی جڑ تک پہنچیں گے ۔ انہوں نے کہا کہ عوام عید منائیں سیکیورٹی ہم دیں گے ۔