اسلام آباد( مانیٹرنگ ڈیسک )پاکستان ریلوے عید کے لئے مسافروں کے اضافی رش کی وجہ سے سپیشل ٹرینوں کی سروس شروع ہوگئی ۔پہلی سپیشل ٹرین دن گیارہ بجے کراچی سٹی ریلوے اسٹیشن سے روانہ ہوئی نوابشاہ ،ملتان کینٹ ،فیصل آباد اور سرگودھا سے ھوتی ھوئی آ ج رات دس بجکر تیس منٹ پر پشاور کینٹ پہنچے گی۔دوسری سپیشل ٹرین کوئٹہ سے دن بارہ بجے روانہ ھوگی اور سکھر ، ملتان اور لاہور سے ھوتی ھوئی اتوار کی شام سات بج کر تیس منٹ پر راولپنڈی پہنچے گی۔ تیسری سپیشل ٹرین گیارہ ستمبر کو کراچی کینٹ سے دن گیارہ بجے روانہ ھو کر خانیوال ، فیصل آباد سے ھوتی ھوئی لاہور پہنچے گی۔چوتھی سپیشل ٹرین بارہ ستمبر کو راولپنڈی سے صبح دس بجے روانہ ھو کر سہ پہر تین بجکر دس منٹ پر لاہور پہنچے گی۔جبکہ پانچویں سپیشل ٹرین لاہور سے شام ساڑھے سات بجے راولپنڈی کے لئے روانہ ھو گی۔

موضوعات:عید الا ضحیٰ؎