اسلام آباد(مانیٹرنگ ڈیسک)بلوچ ری پبلکن پارٹی کے لیڈر براہمداغ خان بگٹی نے کہا ہے کہ پاکستان ریڈ نوٹس کے زریعے ان پر بین الاقوامی پریشر ڈالنے کی کوشش میں ہے۔ انہوں نے بھارت سے اپنی اور ساتھیوں کی حفاظت کی اپیل کر دی۔ ایک بھارتی اخبار کو انٹرویو دیتے ہوئے بگٹی نے بھارتی شناختی کارڈ اور ویزا کا مطالبہ کر دیا۔ آجکل براہمداغ بگٹی سوئزر لینڈ میں سوئس حکومت کی اجازت کے بغیر غیر قانونی طور پر روپوش ہیں۔
انہوں نے مزید کہا کہ سوئس حکومت نے ان کو شناختی کارڈ مہیا کرنے سے انکار کر دیا ہے جس کی بنیادی وجہ پاکستان کا پریشر ہے۔ مجھے جسمانی طور پر ملک بدر کرنے کی بجائے سوئس حکومت مجھے کھلا قیدی ثابت کرنے کی ہر ممکن کوشش کر رہی ہے۔انہوں نے کہا کہ مجھے امید ہے کہ جیسے بھارتی عوام نے دلائی لامہ کو پنا دی اور شیخ مجیب الرحمان کا ساتھ دیا اسی طرح وہ مجھے خطرے میں دیکھتے ہوئے پناہ دینے پر تیار ہو جائیں گے۔ انہوں نے سوئس حکومت پر الزام لگایا کہ وہ غلط طریقے سے ان کے حقوق سلب کیے ہوئے ہے۔ انہوں نے دعوی کیا کہ وہ کبھی بھی مسلح باغی نہیں رہے۔ وہ اپنی فیملی کی حفاظر بارے بھی بہت پریشان ہیں جو ان کے ساتھ افغانستان سے سوئیزرلیں ڈ چلے گئے تھے۔