اسلام آباد (مانیٹرنگ ڈیسک)معذوری ایک ایسا روگ ہے جو انسان کی خواہشات پر پانی پھیر سکتا ہے، لیکن اگر لگن سچی اور حوصلے مضبوط ہوں تو کامیابی قدم چومتی ہے۔امریکی شہر لاس اینجلس سے تعلق رکھنے والی دونوں پیروں سے معذور کینیا نامی 25 سالہ ماڈل عزم و حوصلے اور کامیابی کی مثال بن گئی ہیں، جس نے پیدائشی طور پر دونوں ٹانگوں سے معذ ور ہونے کے باوجود ہار نہیں مانی۔اداکا ری اور ماڈلنگ سمیت یہ باحوصلہ لڑکی نہ صرف اسکیٹ بورڈنگ میں کمال مہارت رکھتی ہے بلکہ باسکٹ بال ،سرفنگ سمیت دیگر کئی کھیلوں میں شاندار کارکردگی کا مظاہرہ پیش کرتے ہوئے یہ ثابت کرتی ہے کہ اگر حوصلے بلند ہوں تو کچھ بھی ناممکن نہیں۔