اسلام آباد(مانیٹرنگ ڈیسک)پاکستان عوامی تحریک کی قصاص ریلی طاہر القادری کی قیادت میں مختلف مقامات سے گزرتی ہوئی موٹروے چوک پر پہنچ گئی ہے ۔ عوامی تحریک کے اسلام آباد میں ممکنہ داخلے کے پیش نظر شہر میں داخل ہونے والے راستوں کے قریب کنٹینرز رکھ دیئے گئے ہیں ۔
تفصیلات کے مطابق پاکستان عوامی تحریک کی جانب سے آج شروع کی گئی تحریک قصاص کی ریلی موٹروے چوک پہنچ گئی ہے جلوس کے ساتھ مختلف مقامات سے عوامی تحریک کے قافلے شامل ہو رہے ہیں جس کے بعد کسی بھی قسم کی ہنگامی صورت حال سے نمٹنے کے لئے پولیس اور ضلعی انتظامیہ نے شہر میں داخل ہونے والے راستوں کے قریب کنٹینر رکھ دیئے ہیں جبکہ پولیس کے سٹینڈ بائی پر رہنے کے احکامات بھی جاری کر دئیے گئے ہیں ۔
دوسری جانب عوامی مسلم لیگ کے سربراہ اپنی رہائش گاہ لال حویلی سے قافلے میں شرکت کے لئے روانہ ہو چکےہیں اور ان کا قافلہ مختلف مقامات سے گزرتا ہوا جلسہ گاہ کی جانب رواں دواں ہے جہاں وہ علامہ طاہر القادری کے ہمراہ جلسے میں شرکت کریں گے ۔