واشنگٹن (این این آئی) امریکی حکام نے دعویٰ کیا ہے کہ امریکہ پر ہونے والے سائبر حملوں کے پیچھے روسی انٹیلی جنس کے ملوث ہونے کا خدشہ ہے ۔غیر ملکی میڈیا کے مطابق ایف بی آئی اور دیگر قانون نافذ کرنے والے ادارے خلاف ورزیوں کی تحقیقات کر رہے ہیں تفتیش کاروں نے تصدیق کی ہے کہ تازہ ترین حملوں میں ملوث ہیکرز نے ڈیموکریٹک پارٹی کی تنظیموں کو بھی نشانہ بنایا تھا۔ ہلیری کلنٹن نے مہم ڈیموکریٹک نیشنل کمیٹی کی ای میلز ہیک کرنے کا الزام ماسکو پر عائد کیا ہے جبکہ غیرملکی میڈیا کے مطابق متعدد واشنگٹن تھنک ٹینکس پر حملے پر بھی روسی ہیکرز کے ملوث ہونے کا خدشہ ہے ٗ امریکہ حکومت کیلئے سائبر خطرات ایک بحران کی صورت اختیار کر چکے ہیں ٗگزشتہ سال ایک کمپنی ہیکنگ کے باعث بڑے پیمانے نقصان اٹھانا پڑا تھاجس کے بعد کمپنی کے عملے کی سربراہ کو استعفیٰ دینا پڑاسائبر حملے میں 21 کروڑ 5 لاکھ افراد متاثر ہوئے تھے ٗ امریکا کی سب سیبڑی سائبر سنوپنگ تنظیم نیشنل سیکورٹی ایجنسی بھی ہیکنگ سکینڈل کی زد میں ہیں، جس کے نتیجے میں کچھ انتہائی خفیہ کوڈ لیک یا چوری کر لیے گئے تھے۔