لندن(نیوز ڈیسک)پاکستان کرکٹ ٹیم کے مایہ ناز اسپن گیند باز سعید اجمل نے انگلش کاو¿نٹی ووسٹرشائر کے ساتھ تیسری مرتبہ معاہدہ کرلیا۔37 سالہ کرکٹر کا ایکشن حال ہی میں انٹرنیشنل کرکٹ کونسل کی جانب سے کلیئر کیا گیا تھا تاہم وہ پہلے ہی ورلڈ کپ سے دستبردار ہوچکے تھے جس کے باعث پاکستانی ٹیم ان کے بغیر ہی عالمی ٹورنامنٹ میں شرکت کررہی ہے۔اجمل کا انگلش کاو¿نٹی کے ساتھ یہ تیسرا سیزن ہوگا۔ اس سے قبل بھی وہ ووسٹرشائر کے لیے بہترین کارکردگی کا مظاہرہ کرچکے ہیں۔اجمل نے کلب کے لیے اپنے اعلامیے میں کہا کہ وہ کلب کے ساتھ تیسرا سیزن کھیلنے پر فخر محسوس کرتے ہیں۔انہوں نے کہا کہ اپنے ایکشن کی وجہ سے حالیہ عرصہ ان کے کریئر کا مشکل دور تھا تاہم مجھے پتہ تھا کہ میں ان مراحل سے نکل پاو¿ں گا اور مجھے نہ صرف پاکستان کی سپورٹ ملی بلکہ ووسٹرشائر نے بھی میرا بھرپور ساتھ دیا۔ان کا مزید کہنا تھا کہ ووسٹرشائر نے اس مشکل گھڑی میں میرا ساتھ دیا اور میں اس بات کا یقین دلاتا ہوں کہ میں اس احسان کا بدلہ ضرور چکاو¿ں گا۔