برسلز(این این آئی)یورپی یونین کے کمشنر گنٹر اوٹنگر نے اسپین اور پرتگال کے خلاف پابندیاں عائد کرنے کا مطالبہ کیا ہے۔غیرملکی خبررساں ادارے کے مطابق اوٹنگر نے بتایا کہ ان دونوں ممالک نے 2015ء کے دوران بجٹ کے حوالے سے اپنی ذمہ داریاں پوری نہیں کی ہیں۔ انہوں نے مزید کہا کہ اگر یورپی کمیشن بجٹ سے متعلق قوانین پر عمل درآمد کے معاملے میں اپنی ساکھ بحال رکھنا چاہتا ہے تو اسے ان دونوں ممالک پر پابندیاں عائد کرنے کا فیصلہ کرنا ہو گا۔ اس سے قبل یورپی کمیشن کے نائب سربراہ والدس دوم برووسکِس بھی جنوبی یورپ کے ان دونوں ممالک پر پابندیاں عائد کرنے کا مطالبہ کر چکے ہیں۔