لاہور (مانیٹرنگ ڈیسک) عیدالفطر کی چھٹیوں سے قبل گزشتہ روز جیل میں قیدیوں سے ملاقات کے آخری وز اپنے پیاروں سے ملاقات کے لئے آنے والوں کا بے پناہ رش دیکھنے میں آیا۔ جیل میں ملاقاتیوں کے لئے بنائی گئی انتظار گاہ میں پنکھوں روشندانوں اورکھڑکیوں کے باوجود لوگوں کے ہجوم کے باعث گرمی سے حبس کی کیفیت میں لوگوں کا سانس لینا دوبھر ہوگیا جبکہ قیدیوں سے ملاقات کے لئے بنائے گئے جیل جنگلوں میں ملاقاتیوں کا رش کے باعث تل دھرنے کی جگہ نہ ہونے کی وجہ سے کان پڑی آواز سنائی نہ دیتی تھی۔ سپرنٹنڈنٹ جیل شہرام توقیر نے بتایا کہ جیل حدود میں آنے والے تمام ملاقاتیوں سے ملاقات کروائی جائے گی۔ البتہ عید کے روز صرف کھانا دیا جاسکے گا ملاقات نہیں کروائی جاسکے گی۔ انہوں نے بتایا کہ جیل انتظامیہ کی جانب سے عیدالفطر کے موقع پر قیدیوں کو عیدسوئیاں دی جائیں گی۔