اسلام آباد (مانیٹرنگ ڈیسک)وفاقی حکومت نے روان مون سون سیزن میں 109 ملین پودے لگانے کا ہدف مقرر کر دیا ہے ۔ ایسے میں ماحولیاتی ماہرین نے خبردار کیا ہے کہ شجرکاری مہم کے دوران متعدد عوامل کو مدنظر رکھنا چاہئے ۔میڈیا رپورٹس کے مطابق ماحولیاتی ماہرین کا کہنا ہے کہ حکومت کو درختوں کی کٹائی روکنے کے لئے اقدامات کرنا چاہئے کیونکہ ایک ہزار پودے مل کر بھی ایک گھنے درخت کا متبادل نہیں ہو سکتے ۔ وزارت موسمیاتی تبدیلی نے اعلان کیا ہے کہ 109 ملین درختوں کے ہدف میں 14.2 ملین پودے بھی شامل ہیں جو وزیراعظم کے پانچ سالہ گرین پاکستان پروگراؐم کے تحت لگائے جائیں گے یہ پروگرام اگست میں شروع ہو گا ۔