لاہور (آن لائن) مرکزی رویت ہلال کمیٹی 15 برس بعد عیدالفطر کا چاند لاہور میں دیکھے گی۔ تفصیلات کے مطابق محکمہ اوقاف ومذہبی امور پنجاب مرکزی رویت ہلال کمیٹی کا میزبان ہوگا۔ 15برس بعد عید الفطر کا چاند دیکھنے کیلئے رویت ہلال کمیٹی کا اجلاس لاہور میں ہوگا جبکہ زونل اور ضلعی رویت ہلال کمیٹیوں کے اجلاس انکے متعلقہ مقامات پر ہوں گے۔ شوال کا چاند دیکھنے کیلئیمرکزی رویت ہلال کمیٹی کا اجلاس چیئرمین مفتی منیب الرحمان کی زیر صدارت ایوان اوقاف میں 5جولائی کو ہو گا۔وفاقی وزارت مذہبی امور کے مطابق رویت ہلال کمیٹی کے ارکان کے قیام کیلئے انتظامات کو حتمی شکل دیدی گئی ہے چاند نظر آنے یا نہ آنے کا حتمی فیصلہ مرکزی رویت ہلال کمیٹی ہی کرے گی۔