کراچی(آئی این پی)سابق صدرآصف علی زرداری کی صاحبزادی آصفہ بھٹو زرداری نے وزیراعظم نوازشریف کی لند ن میں شاپنگ پر تنقید کرتے ہوئے کہا ہے کہ وزیراعظم بھی شاپنگ مال میں سیل دیکھ کر خود کو نہ روک پائے۔تفصیلات کے مطابق اتوارکو وزیراعظم نوازشریف نے لند ن کے مشہور شاپنگ مال ہیروڈزمیں بیگم کلثوم نوازکے ہمراہ شاپنگ کی،ان کی تصاویر سوشل میڈیا پر وائرل ہوگئیں جس پر آصفہ بھٹو زرداری نے خوب تنقید کی۔سماجی رابطوں کی ویب سائٹ ٹویٹر پر اپنے پیغام میں آصفہ بھٹو زرداری نے کہا کہ وزیراعظم نوازشریف بھی شاپنگ مال میں سیل دیکھ کر خود کو روک نہ پائے۔واضح رہے کہ وزیراعظم نوازشریف نے بیگم کلثوم نوازکے ہمرا ہ لندن کے مہنگے ترین شاپنگ مال ہیرو ڈز میں عید کی شاپنگ کی ،وزیراعظم کی شاپنگ کی تصاویرسوشل میڈیاپر وائرل ہوگئیں۔تفصیلا ت کے مطابق وزیراعظم نوازشریف دل کے آپریشن کے بعد تیزی سے روبہ صحت ہیں ،ڈاکٹر زکی طرف سے وطن واپسی کی اجازت نہ ملنے کے بعد اب وزیراعظم عید لند ن میں ہی کریں گے اسی سلسلے میں اتوارکو وزیراعظم نوازشریف بیگم کلثوم نوازکے ہمراہ عید کی شاپنگ کے لئے نکلے ،وزیراعظم نے لندن کے مشہور شاپنگ مال ہیرو ڈزسے شاپنگ کی،وزیراعظم کی شاپنگ کی تصاویر سوشل میڈیا پر بھی وائر ہوگئیں۔