اسلام آباد (این این آئی)اسلام آباد میٹرو پولیٹن کارپوریشن اپنا کام باقاعدگی سے (آج) پیر سے شروع کریگی اس ضمن میں پہلا باضابطہ اجلاس (آج) پیر کو ہو گا۔ اسلام آباد میں بلدیاتی انتخابات نومبر 2015ء میں منعقد ہوئے تھے اور 8 ماہ کے بعد اسلام آباد میٹرو پولیٹن کارپوریشن اپنے امور کی انجام دہی کا باضابطہ آغاز کرے گی۔ یہ اجلاس پاک چائینہ فرینڈشپ سینٹر میں میئر شیخ انصر عزیز کی صدارت میں ہو گا جس میں اراکین کی رجسٹریشن کے ساتھ ساتھ قواعد و ضوابط کی تشکیل کیلئے کمیٹیاں بھی قائم کی جائیں گی۔ واضح رہے کہ وفاقی ترقیاتی ادارہ کے 49 میں سے 23 ڈائریکٹوریٹس اسلام آباد میٹرو پولیٹن کارپوریشن کے حوالہ کئے گئے ہیں جبکہ 26 محکموں کو دونوں مل کر چلائیں گے۔