اسلام آباد (این این آئی)سیکرٹری خارجہ اعزاز چودھری نے کہا ہے کہ باہمی احترام کی بنیاد پر بھارت سے مذاکرات کیلئے تیار ہیں ٗ افغانستان میں امن نہیں ہو گا تو پھر پورے خطے میں قتل و غارت گری چلتی رہے گی۔ایک انٹرویو میں انہوں نے کہا کہ افغانستان میں امن بہت ضروری ہے کیونکہ افغانستان میں امن نہیں ہو گا تو پھر پورے خطے میں قتل و غارت گری چلتی رہے گی۔ انہوں نے کہا کہ پاک چین اقتصادی راہداری سے پورے خطے میں خوشحالی آئیگی، دہشتگردی کیخلاف پاکستان کے کردار کو پوری دنیا میں سراہا گیا۔ انہوں نے کہا شنگھائی تنظیم کا اگلا اجلاس پاکستان میں ہوگا۔