خانیوال(این این آئی)خانیوال میں نوبیاہتا دلہن سسرال والوں کو زہریلا دودھ پلا کر فرار ہوگئی، 3خواتین سمیت 5 افراد کو تشویشناک حالت میں ہسپتال منتقل کردیا گیا۔ریسکیو ذرائع کے مطابق یہ واقعہ خانیوال کے نواحی علاقے83دس آرمیں پیش آیا ،متاثرہ افراد کو ڈی ایچ کیو ہسپتال منتقل کردیا گیا ٗ متاثرہ نیم بیہوش بزرگ خاتون کے مطابق ان کی نوبیاہتا دلہن نے تمام گھروالوں کو دودھ سوڈا پلایا جس کے بعد سب کی حالت غیر ہوگئی۔اہل محلہ کا کہنا ہے کہ متاثرہ خاندان کے لڑکے ارشد سے غزالہ نامی خاتون کی رمضان سے چند روز قبل شادی ہوئی تھی ٗواقعہ کے بعد دلہن لاپتا ہوگئی ٗ گھر کا قیمتی سامان بھی غائب کر دیا گیا ۔