قصور (مانیٹرنگ ڈیسک ) مسلم لیگ (ق) کے سابق رکن قومی اسمبلی سردار طفیل احمد خان دل کا دورہ پڑنے سے انتقال کر گئے۔تفصیلات کے مطابق قصور کے علاقے کوٹ رادھا کشن میں مسلم لیگ (ق) کے سابق رکن قومی اسمبلی سردار طفیل انتقال کر گئے۔ وہ اس سے قبل مسلم لیگ (ن) سے وابستہ تھے تاہم بعد میں انہوں نے سابق صدر جنر ل پرویز مشرف کی حمایت کا اعلان کر دیا۔سردار طفیل 1985 سے 1988 تک رکن قومی اسمبلی اور پارلیمانی سیکرٹری جبکہ 1988سے 1990تک وزیر اعلیٰ پنجاب کے معاون خصوصی بھی رہے۔ اس کے علاوہ 1990سے 1993تک رکن قومی اسمبلی اور1997سے 1999 تک پنجاب اسمبلی میں فنانس کی سٹینڈنگ کمیٹی کے چیئرمین بھی رہے۔ سردار طفیل 2002 سے 2007تک پاکستان ریلویز کی سٹینڈنگ کمیٹی کے چیئرمین بھی رہ چکے ہیں۔