اسلام آباد(آئی این پی) وزارت داخلہ نے عید الفطر کی چھٹیوں کی سمری منظوری کے لئے وزیر داخلہ کو ارسال کر دی گئی ہے، سمری میں چار چھٹیاں تجویز کی گئی ہیں تاہم اس بار سرکاری ملازمین ہفتہ وار تعطیلات ملا کر آٹھ چھٹیاں کر سکیں گے ، ذرائع کے مطابق، وزیر داخلہ چوہدری نثار کو ارسال کی گئی سمری میں 5تا 8 جولائی(منگل، بدھ، جمعرات، جمعہ) چار چھٹیاں تجویز کی گئی ہیں، ملازمین عید سے قبل ہفتہ اور اتوار کی چھٹی منائیں گے ،صرف پیر ورکنگ ڈے ہو گا اور عید المبارک کے بعدبھی ہفتہ اور اتوار کی تعطیل منائی جائے گی،ملازمین جمعتہ المبارک کو ہی عید کے لئے گھروں کو نکل جائیں گے۔