اسلام آباد (مانیٹر نگ ڈیسک ) راولپنڈی اسلام آباد پر چھائے بادل بارش کی نوید سنا رہے ہیں ، خیبر پختونخوا ، پنجاب ، فاٹا ، کشمیر اور گلگت بلتستان میں بھی آج بعض مقامات پر گرج چمک کے ساتھ بارش کا امکان ہے ۔ مون سون کی بارشوں کا باقاعدہ آغاز آئندہ ہفتے سے ہوگا ۔ راولپنڈی اسلام آباد میں مطلع ابر آلود ہے ، جڑواں شہروں سمیت گوجرانوالہ ، لاہور ، سرگودھا ، فیصل آباد ، ہزارہ ، مالاکنڈ ، پشاور ، مردان ، کوہاٹ ، بنوں ، ڈی آئی خان ڈویژن ، فاٹا ، اسلام آباد اور کشمیر میں کہیں کہیں تیز ہواؤں اور گرچ چمک کے ساتھ بارش کا امکان ہے ، اس کے علاوہ ساہیوال ، ملتان ، بہاولپور ، ڈی جی خان ، کوئٹہ ، ژوب ، سبی ، نصیرآباد ، سکھر ، لاڑکانہ ڈویژن اور گلگت بلتستان میں چند مقامات پر تیز ہواؤں اور گرج چمک کے ساتھ مزید بارش متوقع ہے ۔ آئندہ دو روز کے دوران پنجاب ، خیبرپختونخوا ، سندھ کے بعض علاقوں ، فاٹا ، اسلام آباد ، کشمیر اور گلگت بلتستان میں چند مقامات پر تیز ہواؤں ، گرج چمک کیساتھ مزید بارش کا امکان ہے ، محکمہ موسمیات کا کہنا ہے کہ پنجاب ، اسلام آباد ، خیبرپختونخوا اور کشمیر میں اکثر علاقوں میں آئندہ ہفتے سے مون سون کی بارشیں شروع ہو جائیں گی ۔
اسلام آباد میں بھی بارش کے بعد سرمئی بادلوں کے ڈیرے ہیں ، ہلکی ہلکی ٹھنڈی ہوائیں چل رہی ہیں جس سے گرمی کا احساس کم ہوگیا ہے۔ شیخوپورہ ، سیالکوٹ ، فیصل آباد ، گوجرانوالہ ، ٹوبہ ٹیک سنگھ سمیت پنجاب کے مختلف شہروں میں بارش نے موسم کو سہا نا بنا دیا ہے۔ بارش کی وجہ سڑکوں پر پانی جمع ہوگیا۔ لوگوں نے موسم کو خوب انجوائے کیا۔ محکمہ موسمیات کے مطابق آئندہ چوبیس گھنٹوں کے دوران ، اسلام آباد راولپنڈی ، لاہور ، گوجرانوالہ اور بالائی علاقوں میں تیز ہواؤں کے ساتھ بارش کا امکان ہے جس سے گرمی کی حدت میں کافی حد تک کمی آ جائے گی۔