اسلام آباد (این این آئی)الیکشن کمیشن نے تحریک انصاف کے رہنما علیم خان کے خلاف جھوٹے حلف ناموں سے متعلق کیس کا فیصلہ ایک مرتبہ پھر موخر کر دیا۔ فیصلہ بیس جون کو سنایا جائے گا۔الیکشن کمیشن نے تحریک انصاف کے رہنما علیم خان کے خلاف جھوٹے حلف ناموں سے متعلق کیس کا فیصلہ ایک مرتبہ پھر موخر کردیا گیا ٗ الیکشن کمیشن کے ذرائع کے مطابق معاملہ ہائی کورٹ میں زیر سماعت ہونے کے باعث فیصلہ بیس جون تک موخر کیا گیا ۔واضح رہے کہ الیکشن کمیشن نے اسپیکر قومی اسمبلی ایاز صادق کی درخواست پر علیم خان کی جانب سے جھوٹے حلف ناموں پر فیصلہ محفوظ کر رکھا ہے جو پیر کو چوتھی مرتبہ موخر کیا گیا۔میڈیا سے گفتگو کرتے ہوئے لیگی رہنما مریم اورنگزیب نے کہاکہ تحریک انصاف اسٹے آرڈرز کے پیچھے چھپ رہی ہے، جبکہ پی ٹی آئی خود کہتی ہے کہ جب کچھ غلط کیا ہے تو ادارے کاروائی کریں تاہم جب ادارے کاورائی کرتے ہیں تو پی ٹی آئی رکاوٹ بن جاتی ہے۔