لاہور(آن لائن) لاہور میں رمضان بازار سج گئے۔ شہری خریداری کیلئے بھی پہنچ رہے ہیں لیکن مطمئن نہیں ہیں۔ شہریوں کا کہنا ہے ضلعی انتظامیہ نے انتظامات پر تو کروڑوں روپے خرچ کئے لیکن اشیا کے معیار پر کوئی توجہ نہیں ہے۔تفصیلات کے مطابق ضلعی حکومت نے رمضان بازار لگا دیے۔ ہر چیز پر سبسڈی بھی دیدی۔ پھل اور سبزیوں سمیت دیگر اشیا خورونوش قدرے سستی بھی مل رہی ہیں۔ شہری پھر بھی مطمئن نہیں ہیں۔ کہتے ہیں ریٹس کم کیا جائے۔ ساتھ ہی غیرمعیاری اشیا کی فروخت شروع ہو گئی۔ ناپ تول میں بھی فرق ہے۔شہریوں کا کہنا ہے کہ سبسڈی غریبوں کا حق ہے لیکن کروڑوں روپے خرچ کرنے کے باوجود وہ اس سے مستفید نہیں ہو رہے۔ گلی سڑی سبزیاں‘ پھل اور غیر معیاری اشیا ہی ملنی ہیں تو پھر سستے رمضان بازاروں کا کوئی فائدہ نہیں ہے۔رمضان آنے سے پہلے مہنگا ئی کا چاند نظر آگیا عوام کیلئے بڑی مشکلا ت کا سامنا کر نا پڑ رہا ہے ۔