اسلام آباد(مانیٹرنگ ڈیسک) سینئر تجزیہ نگار ایاز امیر نے نجی ٹی وی پروگرام میں حیرت انگیز دعویٰ کر دیا، تجزیہ نگار نے میزبان کے سوال کے جواب میں کہا کہ ”آپ وزیر اعظم صاحب کا مسئلہ سمجھیں۔ ان پر ایک ایسے وائرس کا اٹیک ہوا ہے جس کا علاج ابھی تک ڈھونڈا نہیں جا سکا۔ اسی لئے وزیر اعظم دو بار لندن گئے“ ایک سوال کے جواب میں تجزیہ نگار کا کہنا تھا اس بیماری کا علاج زرداری کے پاس بھی نہیں ہے۔ پانامہ وائرس کا علاج دنیا میں کسی پاس نہیں اور اس بات پر نواز شریف دورے پر دورہ کر رہے ہیں۔