نئی دہلی(نیوز ڈیسک )دہلی پو لیس نے ایپ پر مبنی ٹیکسی سروس دینے والی کمپنی اولا کیب کے ڈرائیور کو ایک غیر ملکی خاتون سیاح کے ساتھ چھیڑ خانی کرنے کے الزام میں گرفتار کرلیا ۔بھارتی میڈیا کے مطابق پولیس نے بتایا کہ واقعہ گزشتہ شام اس وقت پیش آیا جب بیلجےئم کی رہنے والی ایک 23سالہ لڑکی نے گڑگاوں سے دہلی کے لئے ٹیکسی بک کرائی تھی ۔لڑکی کا الزام ہے کہ ٹیکسی ڈرائیور راج سنگھ نے اسے فون کی جی پی ایس کام نہیں کرنے کی بات کہہ کر راستہ بتانے کے لئے اگلی سیٹ پر بیٹھنے کے لئے کہا اور جب وہ آگے بیٹھی تو مبینہ طور پر اس کے ساتھ چھیڑ چھاڑ کرنے کی کوشش کی۔