اسلام آباد (نیوز ڈیسک)مشیر خارجہ نے سرتاج عزیز نے کہاہے کہ پاکستان آٹھ ایف سولہ طیاروں کی خریداری کے لئے فنڈز کی فراہمی کے معاملے پر امریکہ کے ساتھ بدستور رابطے میں ہے ٗتاہم ہمارے پاس دیگر آپشنز بھی موجود ہیں۔ پاکستان ایف سولہ طیاروں کی خریداری کیلئے 70کروڑ ڈالر کا بل خود ادا کریگا۔ابتدائی طور پر پاکستان کو 8 ایف 16طیاروں کی خریداری کے لئے تقریباً ستائیس کروڑ ڈالر ادا کرنے تھے اور باقی ماندہ رقم امریکہ کوفارن ملٹری فنانسنگ(ایف ایم ایف)سبسڈی کے ذریعے فراہم کرنا تھا۔ ایک انٹرویو میں انہوں نے کہا کہ پاکستان نے امریکہ پر واضح کردیا ہے کہ وہ خطے میں طاقت کا توازن برقرار رکھے۔ سرتاج عزیز نے کہا ہے کہ پاکستان آٹھ ایف سولہ طیاروں کی خریداری کے لئے فنڈز کی فراہمی کے معاملے پر امریکہ کے ساتھ بدستور رابطے میں ہیں،تاہم ہمارے پاس دیگر آپشنز بھی موجود ہیں۔امریکہ میں بھارتی لابی سرگرم ہے۔پاکستان نے اب بھی امریکہ کیساتھ دو طرفہ تعلقات کی بہتری پر توجہ مرکوز کر رکھا ہے۔ہم یہ معاملہ حل کرنے کیلئے اپنی کوششیں جاری رکھیں گے۔انہوں نے کہا کہ ایف ایم ایف کے بغیر ایف سولہ جنگی طیاروں کی قیمت اصل سے ڈھائی گنا بڑھ جائیگی۔ سینئر تجزیہ کار ڈاکٹر پرویز اقبال چیمہ نے پروگرام میں حصہ لیتے ہوئے کہا کہ امریکہ کے پاس ایف سولہ طیاروں کی خریداری کے لئے پاکستان کو فنڈز کی فراہمی روکنے کا کوئی جواز نہیں ہے کیونکہ یہ لڑاکا طیارے دہشت گردی کے خلاف جاری جنگ میں استعمال کئے جائیں گے۔سینئر تجزیہ کار ڈاکٹر آمنہ محمودنے کہا کہ پاکستان کے پاسی کئی آپشنز موجود ہیں تاہم چین اور روس سٹرٹیجک خلا ء پر کرنے میں اہم کردار ادا کرسکتے ہیں۔