فیصل آباد (نیوزڈیسک)بلدیاتی انتخابات میںووٹ نہ دینے اورڈیرے پر حاضری دینے پرن لیگ کے چیئرمین نے ساتھیوں کے ہمراہ ایک محنت کش کوڈنڈوں سے مار مارکراس کی ایک ٹانگ اوربازوتوڑدیامبینہ طورپراس کے مکان پر قبضہ کرلیاجبکہ پولیس سے سازبازہوکرمقدمہ بھی اسی خاندان کے خلاف درج کروادیا۔ایک خاتون وکیل کے ہمراہ آرپی اواورسی پی اوسے ملاقات کے بعدمضروب کی درخواست پریوسی چیئرمین اوران کے ساتھیوں کے خلاف مقدمہ تودرج کرلیاگیامگرکسی ایک ملزم کی بھی گرفتاری عمل میںنہ آسکی تاہم مضروب کی گرفتاری کے لئے پولسی چھاپے ماررہی ہے۔تھانہ صدر کے رہائشی چک232ر۔ب کے رہائشی عبدالغفارجسے ایمبولینس کے ذریعے پریس کلب میں لایاگیاتھانے بیوی بچوں اوردیگررشتہ داروں کے ساتھ روتے ہوئے پریس کانفرنس میں بتایاکہ15اپریل کو میں اپنی بہن کے گھرپرموجودتھاکہ رات ساڑھے8بجے چیئرمین یوسی143 محمدافضل عرف بھولا،بابرظہیر،بشارت عرف پدا،غفران عرف طوطی محمد مظفر،محمد پرویزعرف پیجی،مدثرشعبان اورمحمد فہیم آگئے جو مجھے گاﺅںسے باہرلے گئے جہاں ڈنڈوں سے مجھ پرحملہ کیاگیاجس کے نتیجہ میں میری ایک ٹانگ اورایک بازوٹوٹ گیاجبکہ سراورجسم کے دیگرحصوں پربھی گہرے زخم ہوئے۔پولیس کوواقعہ کی اطلاع دی لیکن پولیس نے حملہ آوروں کے خلاف مقدمہ درج کرنے کی بجائے مجھ سمیت میرے گواہوں کے خلاف مقدمہ درج کرلیاجبکہ میری درخواست پرتاخیرسے مقدمہ درج کیالیکن ابھی تک کسی ایک ملزم کوبھی گرفتارنہیں کیاگیا۔مجھے مقدمہ سے منحرف کرانے کے لئے دھمکیاں بھی دی جارہی ہیں۔عبدالغفورکاکہناتھاکہ اگرملزموںکوگرفتارکرکے قانون کے کٹہرے میں نہ لایاگیا تووہ خاندان سمیت خودسوزی کرلے گا۔ وزیراعلیٰ پنجاب،آئی جی پنجاب،آرپی اواورسی پی او سے اپیل ہے کہ بااثرملزموں کوگرفتارکرکے انہیں انصاف فراہم کیاجائے۔